قصائد بندر بن محيا المحيا

[شاعر المليون]

السـلآم عليـكم ..

هـذي قصـآيد للشـآعر .. بندر بن محيـآ بن علوش العتيبي ..

آتمنـآ انها تعجبـكم ..



كثر ماأخسْر كل شيّ
.......... كثر ماأنسى اني ربحــت
الحزن :هو الدمعه:هيّ
.......... لاتعتذر لي لو سمــحت
اطلع من الخفـّـاق زيّ
.......... ذرة صخر من فعـْـل نحـت
لي حق.. لك حق ٍ عليّ
..........إذا جرحـت ولا انجـرحــت!
هاذي يدك ..هاذي يديّ
.......... صح لي..وانا لاصحت ، صحت!
بـ اراودك لحظه ، وعيّ!
.......... ولو ماتعبت ، انا استـرحـت!
يلعـنـك .. حتى (في يديّ
.......... بيّن غيـابك) ليـه رحـت؟!
دوّرت فـ وجيـه آهليّ
.......... ضحـكــة .. وناديتــك و

طــ

حـ

ت

!!!
!!
!

[شاعر المليون]

والعدد افتراضي!





فيْ المقهى أربع طاولات
..... وفيْ الركن الأقصى..طاولة
مرمي عليها الأُمنيات
..... ووحْده عليها المهْزلـة !
سالت سواليف البنات
..... وأنا أسترق سمع وَ وَلَه!
وحدة تقول إن الحياة
..... حياة ..لكن مُعضلـة !
ووحدة تقول إن الجهات
..... تشير له والبـوصلـة !
ووحدة تقول إن الممات
..... أرحم من أكبر منزلة..
ووحدة تقول إن الشتات
..... في الحب..كل المشكلة..
..في الطاولة ذيك، الثبات
..... بنت ٍ تهزّ الأسئلة !
في يدينها النعناع مات
..... والكاس في فمها : دَلَه! *
فستانها كان التفات
..... تشعر بحده فـ اوله!
وفي يدينها كانت تبات*
..... محابس الها..خلخلة
قلت: الهوى، قالت: صِفات
..... قلت: السهر، قالت: صِلة!
قلت: الظما، قالت: شمات
..... قلت : الحقايق سلسلة..
قامت وفي روحي صلاة
..... ومرّت بحلم ٍ ما اجهله!
وهي تعدّى الأُخريات
..... للباب .. قالت: سجّله
عنواني : إني فيْ الحياة
..... فيْ حيّ موته..مَعْزِله
اسمي: جنون المُغريات
..... عمري : مراحل، مرحلة
شهادتي: حزن أمهات
..... وميلادي: أصعب مسألة
أسكن ببيت الأمنيات
..... فيْ الشارع آبو الأسئلة!
.
.
.
.


*دَلَه: نسى
*تبات: تنام

[ســ الأحزان ــر]

تسلم يا مشرفنا العزيز

وربي يعطيك العافية ياارب

على هالنقل الرائع

[شاعر المليون]

مشكوره على التواصل اختي سر