رسمتك فرحة أيامي لقيتك هم يطويني

[the life]

توكل ياسبب كل الجروح وياشقى عيني،،


توكل دامها طيبة عليك النفس والنيات




وأبي تعرف ترى لا أنت ولا غيرك يبكيني،،


ماغير أمي..أبوي اللي غلاهم ساكن بالذات




أنا اللغلطان في حبك حسبتك ماتخليني،،


وأنا اللي كنت متوقع تجيني تكسر الضيقات




خلاص أبعد وأنا ببعد وماجاني يكفيني،،


روح دور على غيري وأبي تنسى زمان فات




أنا ما عدت مثل أول على كيفك تمشيني،،


تغير كل شي والله وصرت بعيني العثرات




وفيت وما أخبر إني جرحتك يامشقيني،،


وكذا مره من ايدينك شربت الضيقة والصدمات




تقط الكلمة وتسكت على أبونك تسليني،،


وأطوف لك ولا ينفع معاك الطيب والدمعات




بعدت وقلت يمكن انك على غيابي تحاتيني،،


وأشوفك رحت ماتسأل ياعمري وين هالغيبات




عطيتك دنية أفراحي ولا حسبت لسنيني،،


ولا بين بعينك ليه أشوفك صرت لي آهات




رسمتك فرحة أيامي لقيتك هم يطويني،،


حسبتك ماتزل بشي لقيتك ممتلي زلات




حسبتك لي على الدنيا ليا شانت تخاويني،،


وإذا حجت حجايجها تجيني بطيبتك هامات




وأجي لك ناقل همي ودمعي حاير أبعيني،،


وأقول أنت ولا غيرك حبيبي تمسح الدمعات




وجيتك لعنبو دار السنين اللي قست فيني،،


وطلعت تامن الردي تزرع على دربي شقى ونات




تشوف الكون وش كبره ترى ماعاد يعنيني،،


إذا حطيتك براسي أجيبك لوتروح اشتات




وأعلمك القسى وشلون.. أعلمك كيف تنهيني،،


وأخلي عيشتك سودا ولا ينفع رجا الأموات




ولا تقول إني عالنية وعلى رأيك تمشيني،،


أنا مجنون وجنيتي على اللي يستفز الذات




ولكن طيعني أبعد قبل تصحى شياطيني،،


لان لاضاقت بعيني أخلي دنيتك حسرات




أتمنى تنال على رضاكم..

[ليل]

.
.


طرح مميز
شكرا
ويعطيك العافية

.،

[رقيق المشاعر]

the life

وأجي لك ناقل همي ودمعي حاير أبعيني،،


وأقول أنت ولا غيرك حبيبي تمسح الدمعات




وجيتك لعنبو دار السنين اللي قست فيني،،


وطلعت تامن الردي تزرع على دربي شقى ونات




تشوف الكون وش كبره ترى ماعاد يعنيني،،





الله الله على الكلام الحلو والجميل


سلمت يداك على الابداع


تحياتي


رقيق المشاعر

[اطيب قلب]

والله كلمات قاسيه لكنها جميله

تسلم ايديك اختي

دمتي رائعه

[اسرار الحب]

قصيدة جنان

واحساسها قوي ويوصل بسهولة للذات

شاكرة انتقاءك المميز