هـــــذا اللي صار فيني

[كرتون مركون]

السلام عليكم
انا ناوي نيه هاليومين بس خايف انها تكون غلطة العمر صح ان هالشي راح يفتح جرح كبير من حياتي (اللي هو طلعتي مع ابوي للبر)
بيني وبيكم الماما مزعجتني نبي نخيم نبي نخيم وما لقت الا انا المشكله انها ماشافت فيني أي شي يدل على اني احب البر بس الظاهر مالقت احد يعطيها وجه في البيت الا انا وابلشتني
منيب مطول عليكم انا كل هالمقدمات بقولكم الجزء الثاني من مأساتي
يالله نبدأ
اقولكم انا اخر ماقلتللكم اني اناظر في بيتنا النظره الاخيره انا كان في بالي ان التخييم في الثمامه جمب الدبابات والفلله قلت ان خربها ابوي وعماني اللي معه روضة خريم اللي جمب الرياض مابينها وبين الرياض ولو مية كيلو .
المهم شفت ذا اللي يسوق فينا ماسك خط الشرقيه ووقف عند محطه يقول بنفطر انا ما استوعبت كلامه انا كرتون افطر في محطه الا والله نفس الكف اللي خبطني فيه على علباي جاني يقوللي انزل ولا يكثر قلت سم وابشر نزلوا يفطرون ونزلت معهم مجبورا وليس مخيرا .
نزلنا في البوفيه والا الهندي اللي وجهه يسد النفس يجي يقول : ايس طلب قال ابوي فيه كبده طازه (طازجه) يقول الهندي ابن الايه ايوه وابوي يطلبها انا صح اني كنت بزر ولا ادري وش الطبخه بس عرفت ان الهندي ينصب وان الكبده اللي عنده لها سنين عنده ولا بالله عليكم في خط الشرقيه وفي محطه بنزين بتلقا كبده طازه وييييييييييين من ذا الفاضي اللي بيجيبها لهم المهم طلبوا الطلب وجا الهندي وحطه بس بيني وبينكم الجوع مايرحم
اكلت اكل الحمدلله على العافيه قال عمي خابرك ماتبي تفطر وريته ضروسي قلت استهبل معكم المهم مشينا اقولكم ماسكين خط الشرقيه ومشينا الين وصلنا قبل الدمام يمكن بميه وخمسين ويقوم عمي يدخل يسار مع طريق تراب ويمشي قلت وين ياعم قال فيه محل يصلح كشته المهم انا حاط في بالي انه يوم وبنرجع طيب اليوم الاول راح واحنا قريبين من الشرقيه اليوم الثاني انا في الشمال اليوم الثالث ندور في الشمال تونا ماخلصنا اقولكم راح اسبوع ونا على ذا الحاله اقولكم تكلمني امي وانا خانقتني العبره وذا الشياب مستانسين وموسعين صدورهم كنا نطلع الفجر الساعه 6 ولا نوقف الا على المغرب اذا وقفنا يتكون شوي على قولتهم عند الحطب وكل واحد يخمد جايبين خيمه معهم وينومون فيها اما انا مانمت في الثمامه انوم في المكان الي ماله اسم اناانوم في السياره واوقوم قبلهم اقوم الساعه 5 طيب صار لي موقف في يوم من الايام قمت قومتي المعتاده الساعه 5 اشوف السياره عليها زي المويه من البرد يطلع القزاز كنه مظلل مدري وشلون اوصف لكم المهم اني اشوف اللي برا بس مدري منهو قمت الساعه خمس واشوف شي يتحرك برا السياره قلت ايوه من ذا اللي قايم قبلي يوم دققت في الملامح الا واشوف برطم كبير قلت بس هذا عمي ابو فيصل بس وش قومه هو وبراطمه ذا الحزه فتحت الباب واناظر ماطلع عمي ابو براطم طلع بعير كبير يدور جمب خيمتنا ويوم دققت الا قطيع من البعارين مارين من عندنا انا بيني وبينكم انصدمت وش جاب البعير هنا في هالمكان اللي ماتلقونه على الخريطه المهم واشوفلي ذاك الحوار (بعير صغير) واستانس عليه من زمان ماشفت شي كبري صغير يعني واروح ابي العب معه والا ذاك الجمل الكبير اللي يلاحقني وادور الزبنه مافيه امل ارض فاضيه قدامي مافيه مكان ارقى علي ولا شي واخذ بذالبعير دورتين على السياره الين فتحت الباب وركبت المهم مابي اغثكم
روحتنا قعدت حوالي اسبوعين ما بقى مكان في السعوديه مام مريناه حتى مرينا قريه صغيره اذكرها والله منيب ناسيها يوم رجعت البيت كني انولدت من جديد قعدت في بيتنا شهر ماطلعت الحين كل ماشافوني عماني يقولون لي ترا بنروح البهر جهز نفسك يستهترون فيني.
يعطيكم الف عافيه

[جذاب بس كذاب]

هههههههههههههههههههههههه
ههههههههههههههههههههه


اه يالبزر

ههههههههههههه
دق علي وانا افزعلك

ههههههههههههههههههه


لك ودي

[كرتون مركون]

لاتقوللي ماقد صار لك موقف يوم انك مثلي
يسلمو الف على المرور

[Dana]

ههههههههههههههاااي

احلى موقف يومـ تحسب البعير عمكـ

يسلمووووو كرتوووون

[كرتون مركون]

اشوى انه طلع البعير ولا لو انه عمي كان عطاني على علباي
مدري وش فيه ذا عمي يحب يطقني دايما بس الحين بعيد عن شواربه
يسلموووووووووو عا المرور ياوخيتي