تعلمي شلون تقهرين اخوج..!

[روحي تحبك]

السلام عليكم..

هذي طرق للبنات حتى تمكنهم من التعامل مع بعض الاخوان اللي مستقوين على اخواتهم>>>الله يستر
الطريقة الأولى ...


** عند التلفزيون **

ا) من المعلوم سلفا أن البرنامج المفضل لدى الشباب هو مباريات كرة القدم , لذلك فإنه فرصه مناسبه لتحقيق أكبر قدر من رفع الضغط دون عناء كبير .... اذا رايتيه في قمة الحماس يعني حتى لو انفجرت قنبله وراه ما التفت لها ... سوي نفسك سنعه ( ست البيت النشيطه ) وهاتي منظف الزجاج مع الفوطه .. وهات يا مسح.. املئي الشاشه منظف وامسحي بحركه دائريه على الشاشه وحاولي انك ما تخلينه يشوف زين ,,,

واذا قال لك ابعدي قولي : ماني فاظيه لك بامسح وانظف ..

ب). ثم هاتي المكنسه الكهربائيه في المكان الي هو موجود فيه وابدأي بالكنس وحاولي من لحظه للحظه تكنسين قدام التلفزيون واذاقال : ابعدي والا تراالكأس في وجهك ..قولي : آسفه ( no way ) بيجون ضيوف

ج) والأحسن انك تجلسين وتسوين نفسك متابعه بعدين تصرخين فجأه وتقولين : يوووووو نسيت الكيك في الفرن وانقزي من مكانك ثم اركضي باتجاه المطبخ وحاولي انك اثناء الركض تفصلين سلك التلفزيون برجولك .

** عند النوم **



أ) إذا كان أخوك يشخر .. نكدي عليه نومه , وشلون ؟؟ ادخلي عليه كل اطفالكم وأطفال جيرانكم بعد وصكي عليهم الباب ... عاد تعرفونهم . . مايقصرون ماشاء الله عليهم ..

ب) أو : إذا كان مستغرق في النوم .. تعالي وبدون مقدمات وانغزيه نغزه تخليه جالس ... وقولي له بكل برووود : نبي نطلع ..

ج) هناك صنوف أخرى رفع الضغط أثناء النوم وهي أخف ضررا على الطرفين ... منها :


- إطفاء المكيف في عز الحررر .
(وهذي ذكرتها اختي امواج في كتابها السابق)
- فتح ستائر الغرفه حتى يدخل ضوء الشمس المعمي للعين ..

( ويفضل عمل الفقرتين السابقتين في وقت الظهر ..)

- لابأس من إضافه بعض من قطرات الماء في الأذن .

- الرمي والقذف بالوسائد ( فقط ) ؟؟

** اذا المزاج صفر**

اذا شفتيه ماله خلق ومو رايق ومقفله معه لا تخافين بالعكس هذي فرصتك تنتقمين منه يعني تحرشي فيه خلي دمك ثقيييييييييل بالمزح

بس انتبهي في هاللحظه راقبي حركات يده لان ممكن يوصلك أي شيء قدامه بوجهك ولازم تصيرين مجهزه مفتاح الغرفه.. ماتدرين السالفه يا غالب يا مغلوب
المهم.. اضحكي على شكله والا على جلسته والا على لبسه .. هو بيقول ترى ماني رايق روحي عني , انتي لا تسكتين قوليله واذا مارحت وش بيصير ؟؟

عاد هو بيقوم ويوريج وش بيصير ... انتي في هذا الوقت امسكي اول درجتين توصلج لغرفتج وطلي عليه من فوق وقوليله ههههههههههههاااااي اهم شيء رفعت ضغطك وقومتك من جلستك
***وقت الطق ***

إذا جاء يوم وبراسك شر وتبغين تتطاقين انتي وياه لازم تجهزين نفسك من كل ناحيه:
الشعر لازم تلمينه وتسوين حفله براسج ذاك اليوم تحطين انواع الشباصات والمغاطات وانتبهي ولا خصله تنزل منج,
وياليت يكون ذاك اليوم حاطه براسج حناء علشان مايتجرأ ويلمس شعرك <==== ابن أمه يجيب مثل هالتفكير
مفتاح الغرف€ه جهزيه الاحتياط واجب
اذا بدأت المعركه حطي راسك براسه ولا تبينين له انج خايفه وحمري عويناتك فيه وقوليله وش براسك عاد هو هنا بيقولج هذا اللي براسي طراااااااااااخ ....

لا تستسلمين عطيه بوكككككككس على عيونه الثنتين علشان مايشوف الدرب وحطي رجلك
.
وعلى طووووووووول لغرفتك اللي مجهزة مفتاحها من قبل واقفلي عليك .. ويادار مادخلك شر بس نصيحه اقعدي يومين لايشوفك ولا تشوفينه لانه يبي ينتقم لكرامته وبيوريك النجوم في القايله ..

هذه بعض الطرق المختصره والسريعه لرفع ضغط الأخوه ....

لكن للمعلوميه ....اللي ماتتبع اجراءات السلامه انا مو مسؤوله عن اللي بيصير لها خخخخخخ..

[THE CHIEF]

ههههههههههه
الحمد لله والشكر ألف مرة اني ما عندي خوات هو اخ واحد ويمكن التفاهم مع الحمد لله
كان هسه عفت البيت وطفشت بعد هالمقالب

[روحي تحبك]

يسلمو عالمرور

[وين اللي عيوني تريده]

والله خوش طريقه
راح اجربها
مشكوره

[روحي تحبك]

مشكووره
منوره حبيبتي