شوفوا الشباب ويش يسون عند الاشاره؟؟؟

[عبير الحب]

السلام عليكم
شووفووو الشباب
وش يسوون عند الأشاره





النوع الأول :


وهو الذي يستغل وقته ويرتب سيارته ويفتح



دروج سيارته ويعفط في الفواتير ويرميها في

الشارع وفجأه ماتدري الا وهو ناقز في المرتبه
اللي ورا يرتبها .. ولا تستغرب اذا شفته ناط
في جنطة السياره ( الرجال مرتب ) وتنفتح
الاشاره والاخ مشغول في التنظيف ..






النوع الثاني :


وهو اللي تقول ان وجهه توه



محتاج تنظيف ويسحب في الكلينكس

وعلى خشمه واذا خلص طفى السياره
علشان ينظف اذنه بالمفتاح وشوي ويقص اظافر يده وماتدري
الا واهو مرفع رجله ويقص اظافر رجله
هذا اذا كان معاه مقص اظافر والا ماعنده
مشكله يقصها باسنانه ( قمة النظافه )!



النوع الثالث :
وهو اكثر واحد يفرح اذا وقف عند الاشاره



علشان يبداء يستعرض ويرقص ويردح

هو واخوياه ويرقصون السياره معهم !!
وعاد شوف الرقص شلون ؟




النوع الرابع :


وهو عكس الي قبله وهو الي يشغل



شريط خالد عبدالرحمن (اى اغنية قديمة)

وانواع التغلق والحزن ويكون وجهه مورم من البجي !!




النوع الخامس:


وهو الي تقول توه مكتشف انه ابو وماتسمع



غير هواشه على عياله الي مالين سيارته

وماتدري الا وهو ساحب العقال ومخرب التشخيصه
(يستعمل اساليب التربيه الحديثه)
ويرجمهم بكرتون الكلينكس الي ماليه السياره
والفضل يعود للمحطه البنزين لو تمر جنبهم
عطوك كلينكس هديه!!




النوع السادس :


وهو الي يستغل الوقت ويقعد



يشخص ويرش عطر وشوي لايحط

روج ومعلق الـ mp3 في اذنه
ومشغل شريط (سيلين ديون)
مسوي جو اجنبي!!




النوع السابع :


وهو الي اذا شفته ترحمه



وتقول ميت من الجوع وتشك

انه جالس في مطعم مو في سياره
الرجال ماسك الهمبرجر بيد والببسي
والبطاطس بيد والشوارما في حضنه
والفطاير جنبه والبيتزا في المرتبه الي
وراه ولا تستغرب لو شفته داب في مفطح!!


النوع الثامن :


وهو الي تحس انه ماعنده



وقت ابد ودايم بزي ولابس نظاره

وخاتم ومبحلق في الجريده ومسوي
زحمه في الشارع واللي جنبه ماله خلق
ومشتغل مسجات بالجوال !!






النوع التاسع :


وهو الي سيارته زحمه مو ناس



لا ماخلى ثوب ولا شماغ ولا بدله

ولاجزمه الا ومركبها
(الله يكرمكم))
معه عشان يكون تبديل الملابس
اسرع عند الاشاره حتى البطانيه
جايبه وماخذها معاه تعرفون
الجو متقلب!!



النوع العاشر :


وهو من يوقف عند الأشاره



وهو بس يقز في هذي السياره

وهذيك وعاد انواع الفنون لما
تكوون السياره اللي جنبه فيها بنات
وانواع الترقم والمغازل
ويتميلح حتى لو كان شكله
شين ومو هذاك الزود اهم شئ تناظره
البنت لا ناظرته عطته اهتمام برد قلبه مالت
بس وش تميلح عليه ..



ــــــــــــــــــــــــــــــــــــــــ

[scm]

ههههههههههههههههه
موضوع حلو جدا عبير الحب

مو نقول ( شباب اخر زمن )

شكراً لك على الموضوع

[pLiiiJI ROMEO]

مشكور عل الانواع الرائعة

سلملم

[قلبي مجنونك]

شكرا حبيبتي على هالموضوع
اختج: قلبي مجنونك

[اخت اخوها]

هههههههههههه والله انك صادقه هذي حركات الشباب عند الاشاراة


مشكوووووووووره حياتي عبير الحب