دعوه للجميع للمشاركه بكتابة اجمل ابيات القصيد

[عنوده]

!_ـرٍكّس…… ǁǁ|[_мąтг
©؛°¨عضو جديد¨°؛©


((صح بدنك))

[عنوده]

(بدر بن عبد المحسن........ الرسايل)

وليله كانت الفرقا
و قالت لي .. فـ أمــان الله
و ليله ذكرها يبقى
على جرحي .. و لا انساه
و جت تاخذ رسايلها ..
و خصله من جدايلها
و تديني جوباتي
بقايا عمر بسماتي
و قالت لي .. فـ أمــان الله

في ليله كنها الليله عرفتك بسمتي و فجري
و ليله زي ذي الليله و هبتك في الأمل عمري
و يا ليت البسمه ما كانت ولا الاحساس
وياليت الدنيا خانتني و كل الناس
و لا خنتي هواي انتي
و لا قلتي .. فـ أمـان الله

لا تردين الرسايل ويش اسوي بالورق
و كل معنا للمحبه ذاب فيها و احترق
لو تركتيني في ليله بسمتك عند الرحيل
دمعة العين الكحيله عذرها الواهي دليل
و ليله كانت الفرقا
و قالت لي فـ امان الله

[عنوده]

(( أسئله للبياض ))
..........................
يومك ابيض
قلبك ابيض
( دا نهارك زي زهر الفل أبيض )
صفحتك بيضا ..
وهمْ هذا البياض الواضح الفاتح شهيتنا ..
ونغرق في الكلام ..
وفي الكتابه !
ياترى فعلاً ..
تكلمنا .. كتبنا .. في البياض ؟!
ياترى ..
هذا الورق أبيض كما يظهر لنا .؟!
ياترى ..
هذا القلم أول قلم يحرث بكارة تربته ..؟!
ياترى . محد ٍ كتبني ؟!
قبل هذا البياض ..؟!
والكلام اللي نثرته
باترى محد ٍ سبقني .؟!
وحدي اللي في بكارة تربة الصوت ابتذرته ..؟!
ياترى ..
محد ٍ نطقني ..؟!
أعتقد مهما توهمت الكلام ابيض ..
وصوتي والورق أبيض
فالابيض صمتكم وانصاتكم ..
وانتم الأكثر بياض ..!!

******************


( ( شجرة شجرة ))
..........................

وحدها تجلس على كرسيّ عرش الليل ..
هذا الاسود الفواح لمَّن ينكسر غصن النهار
وتنفطر من مكسره !!
وحدها تخرج ونبع انفاسها ينساب من
فستانها الكحلي..
ومن شال البنفسج ..
كان الاسود شف عن ليلك ..
وشف الليلكي عن ساقها الكحلي ..
وشف الكحلي المعتم عن الازرق ..
والازرق شف عن هذا السديم !!
وشف عن .. ..
عن ..
وجهشت في كرنفال اللون زهرة !!
إسمها ..!!
وتسابقت داخل فمي الاسما .. تباهي في
في سما وجه ( المليكه ) ..!
إسمها بلقيس ..؟!
لا..
زنوبيا ..؟!
لا ..
كليوبترا ..؟!
لا
ملكة الليل ..؟!
هذا ماتقول الناس ..
لكني اسميها :
( حزن زهر البنفسج ..
ضحكة النرجس ..
خجل ورده ..
غرور الياسمين..
الفل متواضع .. أسميها ..
واسميها دفا الريحان ..
والشيح النفور ..
وطيبة النعناع ..
أسميها حكاية ( سرْ ) وافشاها النسيم !!

*******************

(( رفيف ))
..............

أكتب رفيف وتطيح اربع نجوم وسنا ..
من فوقها نجمتين وتحتها نجمتين .
كتبتها ف ( اول الصفحه ) تساقط جنا ..
كتبتها ف ( آخر الصفحه ) نبت ياسمين .
كتبت فوق السطر مال السطر وانثنى ..
يميل يم اليسار وينحني لليمين .
كتبت ( تحت السطر ) وارخيت عيني وانا :
أكتب وتسأل رفيف الشعر هذا لمين .؟!!

*******************

(( ماجده الرومي ))
..........................
تبكي وتضحك على المسرح كما طفله ..!
كما ..؟!
كما ليش هي طفله كما هيه .!!
كما بعد ليش ..؟! عصفور ٍ ترفرف له ..
في بال الاغصان حالة صمت محكيه !!
من صوتها يرجع الغايب على غفله ..
وتطل قمرا ليالي صيف شرقيه .!!

****************
(( فيتو ))
............


لاتحتار بأمرك ..
ياتمشي مثل الكلب الماشي في ظل
العربة / تتأمرك !
ياإما الباقي في عمرك ..!!

*****************

(( صيحه ))
...............


صحت في ( سمع الفراغ )
بالـ ( فم المليان ) ..
صيحه ..!!
ياإلهي ..!!
كل ذا الأخطا .. صحيحه ..؟!!

****************

(( حلم ))
.............


أرى في مايرى النايم ..
سفينة نوح ..!!
وساطور السما ريح ٍ تشق الـ ( فوق ) ..
تنهب زرقة المالح ..
وتحت تخيط اساميها الذوات..
الروح ..+
تتكور جسد عايم ..!!

***************

(( بوح ))
............


ياموطني ..
دام الحياه أخذ وعطا ..
خذ واعطني ..!!
*****************

(( جواب ))
..............


انا الآتي
حياتي ..
في الـ ( بقيه من حياتي ) !!

*****************

(( حيره ))
.............
مدري أي كتاب بـ ( اقرا ) !
مدري الليله !!
انا عن أي شي بـ ( اكتب ) ؟!
عن زرافات ( الحريم ) الشاحبات
عن ( ! ) ..
عن العصيان .. أبكتب ؟!
آه .. يـ ( أسراب الأفاعي ) !
واليمامات الحزينه !
من يقول ( العقل زينه ) ..؟!!

****************
شعر : الحميدي الثقفي

[~ رووبي ~]

•·.·°¯`·.·• ( يمـه وينك ...؟ ) •·.·°¯`·.·•



يمه وينك !؟
آنا بنتك .. ' ضي عينك ' !
شوفي وش قرب المسافة بين أهدابي وبينك !؟
بس ّ يمه أنتي وينك !؟
يمه قومي !؟
توني أصحى على الدنيا .. دخيلك لاتنومي !!
من يرتب لي الدفاتر !؟
من يبدّلي .. اهدومي !!؟
يمه بدري .. والله بدري ! آتهجّاها اهمومي !
يمه مات !
كل شي ٍ كنت أحسه ' حي ' في هذي الحياة !
' الأمل في رجعة الأحباب '
' صوت الأمنيات ' !
وكل شي ٍ كنت أحبه ..
مر ..
ودعني ..
وفات !


طفلتك ماعاشت ' إحساس' الطفولة !
............. فاقده في هالزمان ... إحساسها !

شافت إن الصبح ..... ماتقدر تطوله !
............. وازفرت .. ونّه ! ورى أنفاسها !

واحضنت هالليل والورد ..... وذبوله !
............ لين مانامت ...... على كراسها !

ماستحى منها الحزن .... هاك الخجولة

............ ولاطرى يرحل ويبعد ... ياسها !

فيه شي ٍ لو قدرت إني ....... أقوله !
............ كان شفت الناس ... حبّت ناسها !



يمه ضميني بـنام !
خايفة أبقى لحالي عايشه وسط الظلام !
عام مُرّ ..
ومر ّ عام ..
وآنا كل ليلة أتمتم : بكرى تذبح لي حمام !!
يمه وينك !؟
ماتت اللهفة بيدّي .. تنتظر لهفة يدينك !
يمه خوذيني معك ..
بس اشوفك .. واسمعك !
ودي لو أقتل بصدري هالسؤال :
يمه وينك !!؟

بركات الشمري ..

[مازن]

يا جارة الوادي طربـت وعادنـي
مايشبـه الأحـلام مـن ذكـراك
مثلت في الذكرى هواك وفي الكرى
والذكريات صدى السنيـن الحـاكِ
ولقد مررت على الرياض بربـوة
غنـاء كنـت حيالـهـا ألـقـاكِ
ضحكت إلي وجوههـا وعيونهـا
ووجـدت فـي انفاسهـا ريــاكِ
لم أدر ما طيب العناق على الهوى
حتـى ترفـق ساعـدي فطـواكِ
ودخلت في ليلين فرعك والدجـى
ولثمـت كالصبـح المنـور فـاكِ
وتعطلـت لغـة الكـلام وخاطبـت
عيني فـي لغـة الهـوى عينـاك
لا أمس من عمر الزمان ولا غـد
جمع الزمان فكـان يـوم رضـاك

..........................
احــــمد شـــــــوقي