جوزى وانا حرة فيه.............. روشتة هايلة...........

[تغريد وجيه]

-جوزك شايفك هفية و مش معبرك خالص؟؟معلش ده حال كل اللى زيك ! وقد عملنا دراسة على هذه الظاهرة اكدت انك لو اتبعتىالروشته دى ممكن حاله يتصلح : 1- لو جوزك بيخرج و يتأخربره و مابيرضاش يقولك هو كان فين....ولا تزعلى نفسك خالص وماتحاوليش تسأليه خالص ولا كأن فى اى حاجة وهتلاقيه يستغرب ويبتدى هو يقولك من نفسه هو كان فين و مع مين. 2- بيدخل البيت وكأنه واكل سد الحنك و بره تلاقى الفرحة مش سايعاه ....ده عادى طبعا؟! ما عليكى غير انك تستمتعى بحياتك فى البيت لوحدك او مع الاولاد ولا كأنه موجود. 3- كشرى و نكدى ومابيعرفش يتكلم عربى خصوصا لما يبتدى وصلة الخناق اليومية ...سيبيه وادخلى الاوضة ولا تردى عليه هيعمل الشويتين بتوعه و بعدين يسكت لوحده... لكن بقى لما يجى يصالحك عذبيه و عرفيه غلطته وان زعلك مش سهل . 4- بيبحلق فى حريم الاعلانات و الحريم اللى فى الشارع و شايفك امنا الغولة (بعد الشر عنك طبعا) ....ماتتعبيش نفسك ولا تعملى حاجة لانه هيبحلق و مسيره يعرف قيمتك لما يشوف واحد تانى بيبحلقلك . 5- تليفونه بيرن يطلع يجرى و يرد بمنتهى الذوق ... طبعا واحدة ؟! مافيش داعى تعملى خناقة لانه كده كده هيكلمها لكن لو طنشتى هتلاقيه بيقولك على الكلام علشان يغيظك و طبعا هتردى عليه و انتى مش مهتمه . 6- بيتغدى بره اغلب الايام و بيقولك مع اصحابى .... سيبك منه دوريلك انتى كمان على صحبات و اتعشى معاهم و سبيه لوحده يعنى دوقيه من نفس الكاس مرة ورا مرة هيبطل . 7- بيسيبك قاعدة و يدخل ينام .... وايه يعنى اقعدى جنبه و شغلى التليفزيون و هاتى قناة فيها ممثل او اى راجل حلو كده وامور واقعدى اتفرجى عليه وانتى مبسوطه و قولى : اهى دى الرجالة ولال بلاش جتنا نيلة فى حظنا الهباب ... هيتنطر و يقوم يتفرج معاكى قال يعنى قلبه مش مطاوعه يسيبك لوحدك . 8- لما بتطبخى لحمة بيقولك حلو السمك ده ولا لما تعملى كوسه يقولك ريحة شوربة الخضار دى تحفة..... يا حبيبتى ما تزعليش المرة اللى جايه لما يقولك كده (بمنتهى الهدوء) قوليله : شكرا يا حبيبى بس بيتهيألى انك لازم تعدى على دكتور العيون .. و بالمرة على دكتور انف و اذن و حنجرة . اظن كده عملنا اللى علينا و عدانا العيب وازح و لو بعد كل ده جوزك مارتجعش يبقى مالوش غير حل واحد ........... ( اسلقيه ) ........... منقول

[Dana]

ههههههههههههههاااي

نصايح هايله

مرسي ياحبيبتي

جوزي وانا حره فيه <<< سامعتها قريب بفلم ايجيبتي جنان ^_*

,,

[ســ الأحزان ــر]

تسلمين يالغلاا

على هالنصائح القيمة *_^