الطفله المفقوده ابتهال

[مبارك الودعاني]

هذه مصافحه اولى اتمنى ان تنال على شئ من رضاكم فان حازت رضاكم فهذه اسعد لحظاتي وان لم يكن فارجو من المشرفين عدم التردد في نقلها الى سلة المحذوفات ********** والموضوع كالتالي قبل اسبوع كنت امام التلفزيون فاذا بي بصورة الطفله ابتهال على احدى القنوات الفضائيه و بعد صلاة الجمعه اللي فاتت سالت احد الاخوه عن قصتها فاخبرني الحقيقه المؤلمه فكتبت هذه الابيات وهاأنا اضعها بين ايديكم كما خرجت من القلب ***ابتهال***

حلّت مصيبه خلّت الراس شايب=طاش الفكر والكبد همّي صلاها
ضاعت بنيّه يازمان العجايب= ياوين راحت منهو اللي خذاها
مادري هو اهمالٍ او الامن سايب=منهو وراها؟ وخلّ ياخذ جزاها
وش هالقضيه قولو ويش السبايب=وش بـ البراءه تختطف من صباها
قصه غريبه واغرب إمن الغرايب=قصه تهيّض كل قرمٍ قراها
حطّت بقلبي جذمةٍ من لهايب= وزادت همومٍ قد تعاظم بلاها
لاجل ابتهااال نشعل عظيم الحرايب=ماني لحالي كل شعبي معاها
هذا شعوري كيف من بـ النوايب= النار ماتحرق سوى من وطاها
يالله يالمطلوب مجل المصايب=يارحم على عبدك من ام ونماها
يالله ماصعب من فراق القرايب=كيف الضنا اللي كل ضلعٍ حواها
يارب.. ابوها من عنا البعد ذايب= وعينه على المفقود دايم بكاها
تايه.. من المجهول والغيب هايب=هايم... في هالدنيا يدوّر وراها
ودموع أمٍ فوق خدها سكايب= تتأمل الصوره وترجي لقاها
على الدريشه تحتري عود غايب=وكل زول تركض له تحسبه ضناها
بين الشنط ويالدمى واللعايب=تحضن عروستها وتحضن هواها
وتقول..( عودي .. توبه مابه طلايب)=(عودي ولك مني دلع مايضاهى)
شت العقل والصوت صابه عطايب= ماتنطق الا بابتهال ودعاها
فياربي المطلوب جزل الوهايب=ارحم قلوبٍ قد تزايد عناها
رد ابتهال واسعد قلوب الحبايب=رد ابتهال لحضن منهو رجاها

آميــــــن

[المحب]

صح لسانك
الله يرجعها لاهلهااا في اقرب فرصه

الله يعطيك العافيه اخوي


دمت لنا

[Dana]

رد ابتهال واسعـد قلـوب الحبايـب
رد ابتهـال لحضـن منهـو رجاهـا

//

مباركـ

صح لسانكـ على هالقصيده الرائعه

والله يرد هالبنت لاهلها سالمه يارب

بانتظار ابداعاتكـ

[! لصمت000كلام !]

الله يردها بالسلامه

سالمه معافيه من كل شر يارب


مشكور اخوي وحياك الله معنا

:
:

[دم القمر]

السلام عليكم ورحمه الله وبركاته:..

الي سمعته انها رجعت لاهلها


وسلمت على القصيد




في حفظ الرحمــن::