"""أجمل الأبيات التي قرأتها """

[جروح باردة]

أعتراف

:-

أقر وأعترف ظرفي خدمني .. والج من دون كل الناس ظمني ...
قربية أنتِ عليَ بكل شيء والله .. وشفت هواي بيج أوصاف مني ...
تشبهيني بضحكتي ودمعة العين .. وكأن الله من عندج قسمني ...
ضايع أنا كَبلج بالادروب ..وحبج يا أعز الناس لمني ...
ومن صرتي الي وجعتنه الاشواك .. لكَيت أن الزمن قبلج ظلمني ...
اليحب ينشلع كَلبه من الاصياح .. تلفونات ودموع وتمني ...
وأني وياج وصلت للاشارات .. وبس أغمز عيونج تفتهمني ...
يحسدوني عليج الشباب .. والنوب البنات أعليج كامن يحسدني ...
حقن والاوصاف تجن الاجنون .. وأني أول أنسان الجننتني ...
وبالشارع اذا وياي تمشين .. ما ظل شخص شافج ما شتمني ...

حبيبـــي لخــــاطرك

:-

حبيبي لخاطرك جيتك تلكَاني .. وأنه شوصف محبتك يعجز لساني ...
يازهرة شبابي وفرحتي بدنياي .. يا اول جدم عالدرب مشاني ...
طبع بيه الضعف وكَبال كل الناس .. اذا شوفك تجي تتغير ألواني ...
أحبك حد كَطع نفسي وأغار عليك .. وأخاف تمر عليك أيام تنساني ...
وأني أدري بوفائك تختلف يازين .. بس شوف القلق ليوين وداني ...
اذا دمعي نهر ابجيه كله عليك .. وأخل الروح دوم بعدك تعاني ...
حبيبي أنت وصديقي وأدعي من الله .. ينطيني وأنا بحبك عمر ثاني ...
واذا مريت صدفة وما الحكَ بيك .. أبوس تراب جدمك لو تعداني ...


[center]

يا ذنب الجنيته :-[/

CENTER]ياذنب الجنيته وعني باعـــدتي .. وهسة أندارت الدنيا وتندمتي ...
أنتِ ام عين الباعت عشرتي بلحظات .. بنفس العين هسة كَبالي دمَعتي ...
المواقف تنذكر لمن يصير عتاب .. أنه أشكَايل عليج وعني شكلتي ...
يسألونج عليه وكَلتي هذا منين .. وسألوني عليج وكَلت صاحبتي ...
متأمل جروحي الليله كلها تطيب .. وأنسه الذكريات ودمعتي وقصتي ...
ما حن الي كَلبج الى هذا اليوم .. بعد يا جرح يشفه وانتِ عاودتي ...
حرت مابين عن وجهج ادير العين .. وما بين احضنج وأصرخ تأخرتي ...




:040104_emI3_prv :

[نوماس]

الف شكر جروح بارده على الأبيات الحلوة


يعطيك ربي الف عافية

[ملك النعومة]

جروح باردة
أبحرت كثيرا في سحر كلماتك..
وعذوبة منطقك فلم أجد كلمة واحدة لدي..
فقد غادرت الكلمات خجلا من كلماتك الراقيه..
وذوقك العالي في رسم الكلمات وأسلوبك الممتع..
دومتى مميزة .. ودى