معاناتي

[صدى الصمت]

السلام عليكم ورحمة الله وبركاته ..~

بعطيكم اول شيء بطاقتي الشخصيـه .<- ادخل في الموضوع وروقنا

الاسـم : عادل ابورشود حيدروف

العمر : 70 بعد التخفيض 4 سنوووات

السكن : الخرطوم حاليا وراجع بعد نص ساعه بلدي الحبيب السعوديه

الهوايات : . تسلق الجدران . الكتابه على سيارة مدير البنك . عشان كل ما اطلع بطاقة صرااف يبلعها الصراف وهذي حالتي من يوم عرفت البنوك . وجاتني عقده غير طبيعيه . حتى في يوم من الايام كانو بيعينوني مدير بنك الراجحي طبعاً انا رفضت <- بدينا بالنصب هههه

. مره من المراريرت بأخر الليل جالس اتسكع في الشوارع انتظر الساعه تتعدا 12 بالليل علشـان الراتب ينزل تعرفون الواحد على اخر الشهر الله يكون بالعون طفراان مررره
جات الساعه 12 ودقيقـه قلت خلني امر الصراف ابي اشوف الراتب نزل ولا لا . وصلتُ عند صرافة الراجحي . ابغى اشيك على الحساب . وقفت عند الصـرااف ترا وانا رايح للصراف كااشخ وراش عطــرر تدرون ليش لان بالصراف فيها كاميرا وانا بكشخ قدامهم
<- اللي يسمعك ذحين يقول بيشمون ريحت العطر اللي انت حاطه ولا من زين الوجه راش كلونيا تقول عطر خخخ .
الزبده جيت بدخل بطاقتي ولا فيه بطاقه بالصراف وانا اطالع بعيوني يمين وشمال الا مافيه احد كان الوقت متأخر قلت خلني اشوف كم في حسااب هذااللي ناسي بطاقته الخبل . ( ملقوف ) وانا اسوي استعلام عن الرصيد وتطلع لي هـذيك الارقاام اللي اول مره اشوفها وانا يغمى علي لمدة عشـرر دقاايق وبعد ماصحصحت واجلس اصفق نفسي كفوف قلت يمكن اني في حلم لان احلامي كلها اكشن وحركاات مالها نهايه . واجلس افكر عنـد الصرااف ايش اسوي بـ : هذاالبطاقه اسـرقها .؟ ولا ادق على الراجحي يتفاهم مع راعي البطاقه هذااللي ناسيها .. الخبل من كثر الفلوس ناسي بطااقته .. وقتها حسيت انه الوليد هو اللي مضيع بطاقة حتى بغيت ادق على الوليد بن طلال واقوله ضايع لك بطاقة صرااف .؟
بس قلت خلني اتعمق في التفكير يمكن اوصل لحل جلست افكر واتعمق في التفكير لما طلعت فوق راسي دائره بيضاء وداخل هالدائره علامة تعجب ومكتوب جمب علامة التعجب: ( اخلص علينا ياولد تبغى تسرقها ولا خليها ) لان مخي تعب وهو يفكر ماهو متعود على التفكير الزايد . قلت ياولد ايش تسوي بـ : هذااالبطاقه وانا اطلع من جيبي ورده واجلس اقطع فيهاا اسرقها ما اسرقها اسرقها ما اسرقها .<- الولد مسـوي رومانسي
واخر شيء طلعت اني ما اسرقهاا . فقلت اشلي بالمشاكل ووجع الراس والحرام هذاالاياام مايدوم وابعد عن الشرر وغني له . وانا اللي اعشق السياره وامشي و اروح البيت قلت خليني اناام علشـان ما افكر في الموضوع . و انسدح واجلس افكر في هذالصراف في هذالحظـه دوبني ادري ان ابليس ( ملعون والدين ) <- يعني كنت تفكر بليس انسـاان حبوب ؟ هههه < حط تحت انسـان خطيـنُ . وااتعوذ من ابليس وانام. وبعد مرور اسبوع من الموضوع ويتصل عليه ابويه يسب ويلعن ياداشر ياللي فيك ومافيك . ( انا بكل استغراب وكل برائه قلت وشفيك يـ : دإْدي قال كل (*** مشفر ) قال الشرطه عند البيت تعال انت وجهك اللي كأنه جنط دراجه يقفل الخط بوجهي . وانا جالس اطلع في وجهي بالمرايا الا والله صدق وجهي فيه شبه من جنط الدراجه . واروح البيت واشوف فوق عشـرين دوريه واقفه عند البيت وعشرين سيارة من البحث الجنائي انا قلت في باللي اكيد اخوي صاار ارهاابي ماسكين معه حزام ناسف او شيء من هالقبيل وانا اللي اوقف السياره ومايمديني نزلت الا جايني بقس يمشي مليون بـ :عيني وقتها حسيت ان الدنيا بنفسجيه و يعطيني ركبـه ببطني و استفرغ عليهم شل ابوك حط ابوك الا انا بـ : غرفه مترين بـ اربع امتاار مثل اللي تطلع في الافلام حقت التحقيقاات الا قدامي واحد يقول وين الفلوس قلت اي فلوس قال الفلوس اللي اخذتها .؟ قلت ما اخذت شيء قال من ذحين تبغي تجحد وانا ابغى اصيح قلت يـ بن الحلال اي فلوس قال اللي اخذتها من الصراف الساعه الفلانيه واجلس اطالع فيه واضحك قلت الله يقلعكم ماتسيبون حركاتكم اكيـد مسوين الكاميرا الخفيه وهو اللي يقوم ويعطيني ركبـه في البطن وسوي حركة اندر تيكرر وانا انصرع بالارض قال بتقول وين الفلوس ولا كيف .؟
وانا جالس ومتسلقي على الارض واطالع فيه بالشقلوب الا والله طلع ضابط ماهي الكاميرا الخفيه قلت يابن الحلال والله ما اخذت شيء وهو اللي يركب فوق المكتب وينطرفي السماء ويضربني بـ : كوعه ببطني ويقوم ويسـووي حركة استفوستن ( الحركة مشفره ) هههه في هذااالحظه حسيت ان المصارعه الحره حقيقيه مو تمثيل .
قال شف يـ : عادل . كل شيء مصور يعني لو تقول انك ما اخذت الفلوس فيه شريط مصور وطالع وجهك آللي كأنه جنط دراجه وانا اطالع فيه وابتسم قلت وش دراك ان ابويه يقولي دايما ان وجهي يشبه جنط الدراجه ؟ قلت اكيد فيه صداقه بينك وبين ابويه قال ياخي انت وجهك اللي يشـوفه يذكرني بنكباات الايام . وقتها حسيت اني مهاان قدام الضابط قلت اجل وجهك اللي تقول صـدام هايلكس مصـدي .مايمديني خلصت نكتتي البايخه الا وهو اللي يصكني ذاك الكف وتجلس اذني تصفرر لمدة اسبوع كاامل . ويسحبني مع حلقي ويدخلني غرفة ثاني و يشغل الشريط الا والله هذا انا واقف عند الصرااف وجالس اقطع في هالورده ثم انقطع التصوير قلت شفت في هالحظه يوم جالس اقطع في الورده اخر ورقه قطعتها اني اترك البطاقه محلها وما اسرقها ومشيت

قال: يحبيبي على مين تلعبها على مين يابن الناس .
قلت: وربي ما سرقتها . وجالس احلف .


وهو اللي يصكني ذاك الكف الثاني وتجلس تصفر انذني الثانيـه .و يغمى علي .
في اليوم الثاني جاء مدير البنك علشان يراجع في القضيه . وهو اللي يشوفني كأنه اللي شايف جني قدامه قال وش تسوي انت هنا قلت والله من نحااست حظي قال ليش اشفيك عسى ماشر ايش سويت لايكون صاير ارهابي او شيء من هذااالقبيل قلت والله لو اني ارهابي يمكن ارحم شويه وهو اللي يضحك ويطلع سنه الذهبي قال اجل سالفتك طويله قلت ايوه والله طويله مره وانا اللي اجلس اسرد سالفتي عليه وهو بكل استغراب يقول هو انت اللي سرقة الفلوس قلت الله يلعن سنك الذهبي ذحين من الصباح اسرد لك السالفه واخر شيء تقول انت اللي سارقة الفلوس انا وجهي وجه واحد يبي يسرررق .
اذكر مره جيت ابغى اسرق من اخوي فلوس حطيت في جيبه خمسه ريال وخذت ريالين .<- كله برائه
قال انا بكلم الضابط وان شاء الله يخلون سبيلك قلت ايوه تكفى وانا اخوك كلمه يمكن يطلعوني من سجن بوغريب قال ابشر مايصير خاطرك الا طيب . ويجلسون يحققون معاي يمين يساار حاولو فييه بشت الطرق لكن بـ : اصراري قلت لهم ماسرقت شيء وقلت لهم { اللي يسـرق ربي يحطه في الناار } < ياااااي هههههه
وبعد مرور اسبوعين قالو هذا مافيه فايده الولد ما اعترف اكيد ما اخذ هالفلوس وبعد تحقيقاات خاارج السجن مسكو المجرم و يجيبونه عنـدي في الحبس . واجلس اصفق فيه واصفق فيه وابرد حرتي تعرفون ا سبوعين كامله وهم يصفقون فييه . فقلت ابرد حرة الاسبوعين اللي راحت في هذااالمجرم . قليل الحياء .. كل حركه سواها لي الضاابط سويتها على المجرم .
بعد ماصفقت الداشر قالو يالله يـ : عادل افرااج قلت لا والله ماني طالع ابغي اجلس اسبوعين زياده علشان العن خير هذا الورع اللي مايستحي على وجهه قال اقول تبغي تطلع ولا نخليك متهم مع هالمجرم . قلت لا . الله يعاافيك بطلع وانا اطلع وانا اسوي حركـة اندر تيكر على المجرم.
واطلع ونروح للضابط علشان اخذ ورقة الافراج قال الضابط عادل اسفين على اللي سويناه معاك وابن ادم مو معصوم عن الغلط . طبعاً انا في هالحظه حسيت اني لواء قلت وين اصرف كلمة ( اسفين ) هذي انت انسـان ماتصلح تصير ضابط تتهم الناس واخر شيء تقول اسفين . قال اقول كل هواء لا ارجعك للحبس قلت ان شاء الله طال عمرك واخذ الورقه واجلس اتسحب في الاسيااب لما طلعت برا شفت السمــااء والعصاافير تزئزق <-هههه حسيت وقتها اني انولدت من جديد ..

عزيزي القارئ مايستفااد من هذي القصه ...~

1) اذا مسكوك البحث الجنائي على نفس الموضوع قول لهم تذكرون موضوع عادل انا بريئ مثله .

2) اذا شفتُ ضاابط قله عادل يسلم عليك سلآمـ كــثيررر .

3) لا تتسكع اخر الليل لان التسكع اخر الليل مامنها فاايده يعني اجلس في البيت عشان ماتدخل في سين وجيم .

4) اذا شفت بطاقة صراااف بدون اي تفكير حطها قدام الكاميراا الصرااف وقطعها نصين .

-الواحد لما يكون طفشااان وصاحي من بدري ماعنده الا الكيبورد يجلس يطق طق عليه

[نسمة حب]

ههاهاهاههههههههههااااااا

الله يؤفقك اخويه عادل على الفرفشه النايس

[صدى الصمت]

يسلمو اختي اكبركم واحلاكم
نورتي المتصفح ياغاليه
تحيتي بكل احترام
وود

[حاملة الهموم]

شكرا على الموضوع الجميل هههههههههههههههه
بس ما اسوي مثلك اسيب البطاقة واروح صراف ثاني

[صدى الصمت]

يسلمو اختي حاملة الهموم
نورتي المتصفح ياغاليه
تحيتي بكل احترام
وود