ومدام إنك شحيح الماء ! . . ذبل ورد الغرام ومات .

[نوماس]

:



:



حبيبي ريّح مزونك .. ذبل ورد الغرام ومات
........ تعال وجمّع أوراق بقت في ذاتي وذاتك


تعبت أقول لك إلحق على شوقٍ زهق بسكات
........ تعبت آلوّح بيدي قطار الشوق مافاتك


قعدت اتطاوع ظروفك ومرّك هآلقطار وفات
........ وجيت اتلملم أشلآء الحنين بــكف شرهاتك


تعال وطل في جوفي وشف وش لك نمى بالذات
........ مشاعر كنت انا اغرسها ونسقيها بطلاّتك


وغصنٍ لوتبي تهزه تساقط في يدك أبيات
........ كسرته وانثنى عرق الشعور وشوف مأساتك


تغيب ولا تبي أشكي ! وآحد يرضى على الغيبات ؟
........ حرام أحيا مع اطلالٍ بكت من صوت خطواتك


تذكر كيف من زحمة حياتي أسرق اللحظات
........ وأزين من دموعي كف لجل أشيل دمعاتك


تروح بدنيتك ناسي وانا جالس مع الحسرات
........ نعد اذنوبنا ونسكت إذا جينا لغلطاتك


ونمشي نتبع غيابك نعد بدربك الخطوات
........ ونتراهن من الأكثر غلاك وطول غياباتك


طلبتك فتش يدينك ودور لك له نقشات
........ رحلت ومانقشت إلآ مسافاتك ..مسافاتك


[وإذا في شوفتك رحمه .. فيمكن للجفا رحمااات
........ أحج ..لشوفتك مره .. ولا أدري وين ميقاتك ]


حبيبي والعتب ماعاد يرضى بكلمه ونظرات
........ ويؤسفني بشده إنتهى .. مفعول نظراتك


وانا اللي كان لي قلبٍ يضّخ الحب بالنبضات
........ وروح طيبها هفهف على قيعان زلاتك


و شوقٍ كان يتزايد كثر مابخافقي دقات
........ تجيني بعد ذا كلّه وتسأل " وين دقاتك " ؟


وش اللي مكلفِ نفسي أكابر وأطرد اللذات
........ وانت الساهي المتعذر بكثر إنشغالاتك


حصدت اللي زرعته وانت خوفك يحصد الغفلات
........ انا الغلطان لي قلب عشق فوق احتمالاتك


تعيش بواقعي مره .. وأعيش بواقعك مراات
........ وأشكل من همومي مسرحيه لجل ضيقاتك


ومدام إنك شحيح الماء ذبل ورد الغرام ومات
........ [حرام أغرس لك إحساس زهق من طول غيباااتك ]


خلآص أرجع قطار الشوق مرّك من زمان وفااات
........ أو اركب في قطار الذكريات إن كان ما فاتك





قصيدة راقت لي . . وأرجو أن تروق لكم أيضاً .

نوماس

[امير العشق]

حبيبي والعتب ماعاد يرضى بكلمه ونظرات

والله هذه جت
فى الصميم نوماس


رووووووعه نوماس



امير

[ღدمُوع القَلبْღ]

أبيآتـ روعـــه

تسلــــــم أخوي نومآسـ

عالذوق الرآقــــي ..

يعطيك ربي آلفـ عآفيه

ولا يحرمنآ جديدك المميز

تحياتي لك..

[نوماس]

امير
دموع

الاروع تواجدكم الرائع وطلكم الحلوة وتواصلكم الجميل


تحياتي لكم

ولا خلا ولا عدم

[™ мεмσяıεs ●•]

.
.

تذكر كيف من زحمة حياتي أسرق اللحظات
وأزين من دموعي كف لجل أشيل دمعاتك


صح لسانك ولسان شاعرها اخوي نوماس
تسلم لنا ذائقتك الرائعه لك احلى تقييم