جوله مع الحريم في عالمهم الخاص

[صدى الصمت]

أسعد الله مساءكم بالمسرات وأدام عليكم نعمه

كنت بالأمس في مجلس نسائي يضم فئات عمريه وأنماط تفكير مختلفه ومتنوعه

وزمان عن دي المجالس

ولفت انتباهي عدة نماذج من أحاديث (الحريم)

أول موقف كان حديث عن الحمايه والكنَه .. يعني مرت الولد وأم الجوز

والخلاف الأزلي بينهم في الحقوق والواجبات وشكوى أم الزوج من زوجة ابنها والعكس بالعكس

ورفض أم الزوج بأن تطلق عليها احدى الجالسات لقب (أم الجوز)

ربى: قبل ما اتجوز ام جوزي كانت تحبني وماتسمع فيا

وبعد ما تجوزت ولدها سارت ماتطيقني

رجاء : ايوا شغل أم جوز

سميره : لا والله يابنتي مو كل أمهات الجوز كدا ..

عندك أنا مثلا أسوي لمرت ولدي الي أمها ماتسويه

رجاء: طيب ياحبيبتي مدام انها سارت مرت ولدك يعني زي بنتك

مافيها شي لو ساعدتيها .. انتي زي أمها هادي مافيها تمنن



وفي زاويه أخرى

الأم : ايش دا الي مخبصتو في وجهك قومي امسحي من الي في عيونك شويه

الإبنه : ياماما كيف امسحو دحين قدام الناس خلاص قدني حطيتو

الأم : أنا مو قلتلك حطي زي مكياج أمس كان حلو .. شوفي شكلك كيف اليوم

الخاله : ههههههههه لا لاتمسحيه خليه حلو ومرتب ..

أمك دقه قديمه تبغاكي زي العجايز

الأم : تشمق في الخاله وتدير وجهها على الجهه التانيه



وبالتأكيد لم يخلو المجلس من التعليقات والغمزات واللمزات والغيبه احيانا

سميره: بالله هادي ماتشوف نفسها سارت جده ولا بسه هادا اللبس ..

ايش خلت لبناتها؟

فاتن: يختي شوفي واتفرجي واسكتي .. تقولي لمين بس ..

ولا هادي الي لابسه ريش وهيا قد البرميل ههههههه

سميره : ههههههههههههه أستغفر الله



وكان آخر المواقف والأحاديث مادار بيني وبين دره قبل دقائق من كتابة هذا الموضوع


أنجل: جبت جالكسي خدي معايا وصله

دره : بالعاااااااااافية .. ما احبو الحلى

أنجل : في احد مايحب الشكلاطه .. الشكلاطه تجلب السعاده

دره : إلا أحبها .. بس الجالكسي تقيل حلاه شويه .. ما أقدر عليه

أنجل : يختي ياناشو عليكي

دره : عاد لمن أقول كدا يحسبو انو رجيم لا سمح الله ولا نوع من المحافظة يا حسرة

أنجل: لا سمح الله يعني هههههههههه

دره: ههههههههههههه ايوا أكره ما عليا اسوي رجيم

أحس بالحرمان من ملذات الحياة

خلي الدود يشبع على قول اختي ههههههههههه

أنجل : استغفر الله ههههههههههههه

بعيد الشر بعد عمر طويل ان شالله

من ذلك نستنتج أن الكلام وسيلة تسليه عند (الحريم)



أحاديث النساء ومجالسهم وما يدور فيها بالرغم من أنها لاتخلو من مضايقاتهن لبعضهن

ومن التدقيق في تفاصيل صغيره ودقيقه وتكبيرها وتشكيلها وتأويلها

ومجاكرة بعضهن البعض في أمور قد تكون تافهه كاللبس والمكياج وما الى ذلك

الا أنها تعتبر المتنفس الوحيد (ربما) لمجتمعاتنا النسائيه والطريقه المفضله لديهن

للتنفيس عن أنفسهن (واستعراض) الملابس والأحداث وماشابه

وتظل بالرغم مما قد تحتويه من مساوئ تظل محببه الى قلوب كل النساء

أياً كانوا ومهما علا شأنهم



ملاحظه

جميع ماورد من حوارات صحيح ونُقل عن قائليه الأصليين

بإستبدال الأسماء بأسماء مستعاره :050103disco3_prv:

[حاملة الهموم]

ههههههههههههههه فعلن هذة سواليف الحريم

[اليزابيث~]

أنجل: جبت جالكسي خدي معايا وصله

دره : بالعاااااااااافية .. ما احبو الحلى

أنجل : في احد مايحب الشكلاطه .. الشكلاطه تجلب السعاده

جاكسي والدنيـآ عكسي << خخخخخخخخ

مشكور ابو رشود
موضوع مره نايس
دمت لنا بقلمك المبدع

[نسمة حب]

هههههههه الله واكبر عليك رشودي

[الحب الصافي]

هههههههههههههههههههههههههه

حريم مااعندهم الا الت والعجن