انتفخ كفر حبنا ياقلبي انفجر

[صدى الصمت]

سلااااااااااام الله عليكم ..

أحس طلع غباار

نصيحه للي بهم ربوا مايقروون الموضوع

اول شي ودي شسمه اسلم عليكم واقول اني مشتاق لكم برشا وان العرس زين

كبر راسي وانا سهرانه ولا نمت

للجميع للي سأل واللي ماسأل وللي بارك واللي مابارك .. وللي عزاني واللي ماعزاني

ندخل بمصالتي وخروا شووي بس عشان اكتب


اجتمع الأطفال حول الجده وقالوا لها جدتاه جدتاه نبا قصه وكانت الجده ذاك المساء تعيبانه وصدره بووه فحيح وتكح بلغم.. ( الله يحوم تسبدتس )

قالت ياعيالي باتسر بقص لكم انقلعوا لابارك الله فيكم ..

ويطمر بزر طويل السيقان ذو شعر منفوش وعظامة صدره طالعه ( مهب شواذر تراه )

ويتعلق بخشم الجده وقال ان ماقلتي لنا قصه ترى بنغزتس بعظمي وتموتين والا بدخل

ساقي بكليتس . هااه اختاري وش تبيييييييين !!

ارتجفت الجده وقالت لا خلاص ياوليدي اذكر ربك وتشقله الجده وتجلسه فوق فخذه اليسار وشواذر يدودل رجيلاته فرحان

وتقول اسمعوا ..

هاك الله الواحد بسماه العالي..وبدى خيال العجيز بالتوسع الى ان قالت ..

في يوم مطير جميل عليل .. وبنت على الشباك تويق.. تفكر بالمستقبل الكبيرر .. مرات

تقول بصير رقاصه بعفيف ..

ومرات تقول حدي ادهن ظهر امي بالفيكس المخيس ..

وتتنهد تنهيده كبيييرره

وتطلع رويسه زياده من على الشباك وتنشر شوشتها وتنسدح على فتحة الشباك

والشوشه تسرح وتمررح بالهواء العليل الا ان جااء عصفور وفحط فوق شوشتها وقال

ياإلهى هذي هي الشجره المناسبه لكي ابني عش وبدى يصفر ويصفر لين جت العصفوره

( زوجته عيب تغطوا ) قال هااه ياقليبي شرايتس لقيت لتس بييت بروح اجيب العش

وانتي تولمي عشان تضنين ..

وبنى العصفور عشه وحطزت العصفوره وباضت عشر بيضات ( الله من التسذب )

وبعد ماباضت العصفوره من شدة المخااض جتها سكته قلبيه وماتت وحزن عليها

العصفور حزنا شديدا وبعد مافارقت العصفوره الحياه تحركت الشوشه واذا بالبنت يوم

قضت من التفكير وبتدخل راسه عشان تصك الدريشه .. ياحيلة الله يالعصفور بدى يناظر

عياله العشره يموتون قدامه بالدوور وينفقشون بالحووش

جاء العصفور انهيار عصبي

وقرر ينتحر


وجلس يفكر


قال مالي الا انتظر لين تصك هالبنت الدريشه واذا بقى شوي وتنصك الدريشه بسوي

نفسي بدخل عشان تفغصن وامووت وفعلا انتظر وحدث مايريده العصفور وانتقل الى رحمه الله..

وهالبنت يوم شافت العصفور مفغووص قالت سبحان الله وش جاب مدمن شاهي هنا يخلق من الشبه اربعين..

نزلت خزنه وقعدت بحافة الدرج ( ترى سميت البنت خزنه بكيفي < احد قال لتس شي طيب )

وطلعت سكينة لحم من مخباته وبدت تحف قشور رجلينه عشان ينعمن من الفضاوه

وكانت تستخدم هذي الطريقه مره كل سنه خوفا على السكينه لاتخرب

وترى خزنه ماتطلع لأي مكان الا والسكينه معه لأسباب امنيه بحته

ولانهاتعرضت يوم انه صغيره لإعتداء صهيوني وكان من ابرز نتائج هالاعتداء سرقة ضرس ابوها الذهبي محتفظه فيه للذكرى

وكان هالاعتداء عالق بذهنها لين كبرت وصارت له عقده نفسيه وقررت ماتطلع الا وسكينه بمخباته!!

وطفشت خزنه من تنعيم رجلينه وقررت تلبس عبايته وتتمشى بالحاره ( حشى رجال مو بنت ودي اغير اسم خزنه لصقر )


وبدت خزنه تمشي وتمشي وتمشي لين تعبت ولقت زباله صفراء مكتوب علييها يسقط

النصر

وقالت افا جيل بزرنجي

حتى الزبايل ماخلوها بحالها واسندت خزنه ظهرها على الزباله لكي تاخذ قسطا من الراحه ( الله يحوم تسبدتس مالقيتي الا تسند على زباله )


وبينما هي تهوجس مر رجال قصير القامه عريض المنكبين وفيه شامه بشعره ( شلون تجي ) وبيده مفك وشنبه نصه ثقيل ونصه خفيف شكله بالغ نص ونص

يوم حطت خزنه عينه على هالقزم ومن اول نظره احمرن خدوده السمر وارتجفن ايدينه وقالت بصوت واطي ياربيييه يالشنبات

يوم سمع القزم هالهمس الصادر من ورى الزباله توحش وقال اكيد هالزباله مسكونه ورفع ثوبه وعضه وانحاااش

وضاق صدير خزنه ياعميرتي هي

ورجعت للبيت تسحب رجلينه وضاع حبه الأولي وبدت تشاهق وتشاهق من الصياح ليين انتفخ خشمه

وقالت لييه انا مااحد يحبن لييه كل ماحبيت وااحد انحاااش لييه ولييه ولييه ولييه

وجااء جني طلع له على هيئة بشر( تراي ماشفت مسرحية ينانوة الفريج ولا تأثرت )
وكفخ راسه بعلبة زيتون اخضر وقال تراتس صجيتنيا ماخليتينا ننام وداخت يحول
ونااااااامت


جت امه الصبح تصحي خزنه قالت له ترى عمتس بيجي ياخذنا لمزرعته بشقراء قومي جعلتس المغص وفعلا جاء خزنه مغص نقزه للحمام وخلاه تصحى غصب ( هذا المقطع تخويف لكل اللي مايطيعون كلام امهاتهم < تسمع بالتخويف )

وبعد ماكيفت خزنه وصفى رويسه راحت ترتب اغراضه وجاء عمهم شقلهم للمزرعه بشقراء ..


طبعا خزنه ساكنه بعفيف واول ماشافت شقراء تحسبها لندن وانبسطت واستانست وبدت

تهرووول بالترااب وتفحط خمسات وسبعاات ليت كفخته امه بالشنطه وقالت له اركدي

ترى مايخطبتس لولده

وبلعت ريقه خزنه وراحت ورى امه ومسكت طرف عبايته ووين ماراحت الام تمشي ورااه وتسلم زي ماتسلم امه حتى انه اذا تبي تجلس امه تقول اصبري بجلس واجلسي فوقي < اقول لايكثر يامصلتس مير ههههههه


وصارت خزنه مؤدبه عيونه ماتفارق الارض وكل كلامه بالاشارات اذا احد قال له شلونتس ترفع يدينه وراسه فوق ( الترجمه يعني بنعمه من رب العالمين ) والكل اعجب بحيااء خزنه

وصارت شقراء ماعنده سالفه الا خزنه وحيائها العفيف < لانها ساكنه بعفيف غشيت هالاسم

قررت خزنه انه تتمشى بالمزرعه بعد ماحطت جلال صلاة ازرق منقط ببرتقالي وبدت تكمل تفحيطه عشان تطلع الكبت الداخلي لأنه مثلت واجد قدام النااس واذا هي تفحط شافت

قدامه شي

وبدت تقرب وتقرب ودقات قلبه تزييد وتقول ياويل حالي اكيد هذا ولد العم مالي الا اني اسوي نفسي انقرصت واصرخ بشويش عشان يلتفت علي ويجي يقول وش بتس !؟
وفعلا سوت خزنه انه مقرووصه وبدت تصرخ

تتوقعون ولد عمه عطاه وجه وخق معه والا شسمه مادرى عنه ؟؟

< تسمعين بالتشويق انتي وراستس انتظرونا بالجزء الثاني

( تراي توهقت مدري شلون اختم شسمه ذاك اللي فوق قلت اتميلح واسوي اجزااء على بال مايجيني الهام واختمها )

معاني المفرادت لغير الناطقين بلغتنا

حطزت (جلست)

تضنين ( تولدين يعني تجيبين بزران )

فائده عظيمه من الجزء الأول ( اللي مايطيع كلام امه يمكن تدعي علييه وشسمه ذا دعوة الوالدين مستجابه زي مااستجاب ربي دعااء ام خزنه وعوره بطنه < تحسون داخل جو ومصدق )

منقوووووووووول

[امير العشق]

oooo

خخخخخخخخـ


مشكور خبيبى

تقبل تحياتى

[الحب الصافي]

الصراحه
في كلمات ما فهمتها
يعني حست
فهمت كلمة وعشرة لا

عاد تقبل مروري

[صدى الصمت]

يسلموووووووووو على المرور الذي عطــــر صفتحي..

الله لايحرمكم من كل غالي..

كووووووووووووونوا دومـــا بالجوااااااااااار ..

الكـــــــــــــادي لأرواحكم

[ســ الأحزان ــر]

هههههههههههههههههه
هههههههههههه
ههههههههه
هههههههه
ههههههه

ربي يسعدك ياارب