طلبتك يمه هاتي لي عروس مالها رجلين !!

[صدى الصمت]

يجينا الفرج بكرا.. يا بنتي بس لا تبكين
انا مااستحمل دموعك .. وهمساتك تبكيني


نشف دمعي على خدي يا بنتي من ثلاث اسنين
وصارت كل آلامي تعيش وتلتحم فيني


يا بنتي احبسي دمعك دخيلك اكتميه الحين
حرام الدمعة في عينك تعانق ماضي سنيني


تعالي واحظني فرحي .. وقولي للفرح اهلين
وخلي حزنك بقلبي .. دخيلك يابعـد عيني


اشوف الدنيا بعيونك .. واشوف الفرحة بك يا زين
وانا مالي سواك إنتِ .. وإنتِ شمعة تضويني


علام الهم في قلبك .. يابنتي ليه ماتحكين
ابيك تكسري همك وانا امك قولي حاكيني


ياايمـه [حالتي صعبة ]انا.. والفقر صرنا اخوين
اعيش بظلمة همومي والاقي الهم يكويني


معاقة يمه من صغري .. معاقة تشتكي حق مين
مدام ان البشر تنظر لحالي بعطف يعميني


اناظر هالبشر واسال ..انا وش موقعي الحيــن؟؟
وش اللي يميز الأعمى عن اللي شوفهم زيني


فقيرة حظ يا يمـه وحالي تعمي العينين
من اللي يعشق ويهوى معاقة حظها شيني


سألتيني وش اتمنى يايمه منيتي شيين
يكون الفرح اولهم بعدها تعيش رجليني


انا ودي ومنا عيني يكون لجسمي بس رجلين
تساعدني على برك .. وبرك غايتي وديني


يا ليت الناس ترحمني وترحم حالة المسكين
ولا تجلس تناظرلي بنظره تجرح سنيني


تلاقين الفرح مظلم ونور الحزن وسط العين
وألاقي الهم والحسرة وسم ها الوقت بجبيني


معاقة يمه قوليلي علامك ساكتة تبكين
كلامي ازعجك ادري .. وادري الدمع يشكيني


دخيلك يمـه لي رجوة مدامك قادرة تكفين
ابي لي لعبة يا يمه تكون الصادقة بعيني !!


طلبتك يمه هاتيلي عروسة مالها رجلين


وابيها تكون في كرسي .. ( معاقة ) مثلي ترثيني؟؟




مما رآق لي

[آية الرحمن]

بارك الله فيك أخي و الله قصة مؤثرة كثير و تأكد أني بكيت و أنا أقرأ كلماتها الحساسة

دمت رائعا كما أنت

[صدى الصمت]

اهم شي اختي آية الرحمن شكر النعمة الي كتير من اخوني يجاهلون الموضوع هذا
شكرا اختي ع التواصل الجميل

[أنيقة]

معاقة يمه من صغري .. معاقة تشتكي حق مين

مدام ان البشر تنظر لحالي بعطف يعميني


ا ناظر هالبشر واسال ..انا وش موقعي الحيــن؟؟

وش اللي يميز الأعمى عن اللي شوفهم زيني




يعطيك العافية أبو رشود

فعلا قصة مؤثرة جدا كلمات محزنه والحمدالله على

نعمة العافية قصة لامست قلبي تحياتي لك

[صدى الصمت]

يسلم قلبك الطيب انيقه
ويسلمو ع المرور