قصيدة وطنية رائعة باللهجة العرقية

[THE CHIEF]

منين ابدي يا وطن وانته العراق
وانت منهو الماكتب عنك شعر
منين ابدي يا وطن وانت الجريح
ورغم حزن البيك انته المنتصر
منين ابدي وماعرفتك شيعي سني
ولا عرفت الله ما كرم عمر


ولاعرفت الله ماكرم علي
ولا عرفت الله ما كرم عمر
نعرف اهل البيت
نعرف اهل البيت من ذمهم كفر


حاولت اكتب احبك يا عراق
حاولت اكتب احبك يا عراق
ونزلت دموعي على الورقة مطر
نزلت دموعي بألم فوك السطور
من شفت جم جثة مشتاقة لكبر
ومن ذكرتج يا عبير وانتي طفلة
ماتت بلا ذنب مهتوكة ستر
شككت بيدي الورق واقسم يمين
شما يضل بيه نفس مانسه الثأر


من عاش غربة بوطن ؟
ومن بيده خاط الكفن؟
ويا أخو يكتل أخو وكلب الغريب يحن
موجان اخوك بوكت يشفي الجرح لو عن
جرحك وهدك الم يمك واشيلك سفن
تعبر بحور الدمع بعيون ما ظن بجن
سني اني واخوية الشيعي من كربلا
دمه ويا دمي انعجن
وبزاخو كردي الي وبدهوك بيتي لأن
من هجروني الفرس مارحت للأجنبي
اختاريت كل المدن
وبغداد بيتي تظل لو أغيب عنها قرن
آني عراقي وأخوية الأسد
احمد وطه ومعن
وحسين ومحمد وأبو الكرار ويه الحسن
والعاش بالمعتقل ماهمه يوم السجن
قضبان سجنك ورق سجانك شكد لعن
يوم الي رجله وطت أرضي وبيها اندفن


زينوا شارب بكر
وهانو أخيته وسن
وكتبوا ارهابي علي واني ضربني عفن
بس ما محو ديني وهويتي وصاب كلبي الوهن
أحيا وظاموت بأرض بيها الجهاد انسن
أرض الحسين وعلي وحيف الغضنفر يأن
والأبي يبقى أبي وماتلوي راسه المحن


ها ياعراقي
ها ياعراقي شعجب ميك زلاله رسن
ها ياعراقي العرض ينتهك باسم الدين
وين الرجال التي كانت بنظرة عين
تلوي عوادي الدهر وحامين دمهم زين


أهلج يابصرة علم
أهلج يابصرة علم ساري صلاح الدين
من صار زود الزلم عجنوا الدم بطين
وعاهدوا يبقى الوطن والعلم واحد يا عراق ومايصير اثنين

[نوماس]

يعطيك الف عافية على الكلمات الحزينة والواقعية


تحياتي لك

[امير العشق]

مشكور على الكلمات الجميله
والتى تؤثر فى كل انسان عربى