الحب عذاب ( جوري سعوديه)

[الحب الصافي]

الجزء الاول:
قصة "الحب عذاب"
هذه قصة من تأليفي وصراحة أنا أول مرة اكتب قصة وأتمنى تعجبكم
أبغى أشوف ردودكم واراكم وأنا راح انزل القصة على أجزاء وإذا شفت تفاعل راح أكمل
عائلة أبو جواد:
عبد الله هو أبو جواد ولدية شركة مقاولات
حليمة هي أم جواد وربة منزل
جود عمرها 20 سنة وتدرس حاسب
نجود عمرها 18 سنة وهيا في الصف الثالث ثانوي
مروج عمرها 16 سنة وهيا في الصف الأول الثانوي
جواد عمره 11 سنة وهو في الصف الخامس الابتدائي
********
عائلة أبو مازن:
محمد أبو مازن وهو أخو أبو جواد وشريك في الشركة
خديجة أم مازن وهيا أخت أم جواد
مازن عمره 25 سنة ويشتغل في الشركة مع أبوه
شوق عمرها 23 سنة صديقة سارة
شهد عمرها 20 سنة هيا وجود صحبات وبنات عم وأخوات
********
عائلة أبو سامر:
منصور أبو سامر وأخو أبو جواد وشريك في الشركة
أمينة أم سامر ربة منزل
سامر عمره 27 سنة وخطيب سارة
فارس عمره 20 سنة وحبيب وصديق مازن
********
عائلة أبو خالد:
سلطان أبو خالد وبرضوا شريك مع أخوان في الشركة
عالية أم خالد وربة منزل
خالد عمره 26 سنة وصديق مازن
هاجر عمرها 20 وهي بنت عم جود شهد
سارة عمرها 23 وهيا خطيبة سامر
********
ياليتني لااشتقتلك أقدر القاك
ياليتني لامن بغيتك لقيتك
أسهر.... وأعاني ... وأتمناك ...وأصافح كفوف
الشقا لابغيتك لا تقول تنساني أنا مقدر ... أنساك
تفنى حياتي والعمر مانسيتك
الساعة الحادية عشر صباحا
تهبط الطائرة وهيا تحمل خالد وقد انتهى من دراسته وعاد إلى بلاده وبعد غياب ثلاث سنوات (يالا جمال بلادي كم اشتقت لها ولهوائها ولكل شئ فيها حتى أهلي) هذه الأفكار كانت تدور في راسي خالد كان في استقبال خالد أبوه و....
أبو خالد :الحمد الله على السلامة ياولدي الغالي
خالد وهو يحضن أبوه الله يسلمك ويقطع هذه اللحظة المؤثرة صوت يقول (و الله لك وحشة يا أغلى صديق)
التفت خالد إلى مصدر الصوت وابتسم واتجه نحو مصدر الصوت كان صديق عمره وحبيب قلبه و ولد عمه فارس
فارس: الحمد على السلامة
خالد: الله يسلمك
فارس: كيفك؟ ويغمز لو وكيف بنات استراليا
خالد :هههههه الحمد الله بخير ويسلموا عليك
وهم في طريقهم لسيارة فارس يرن جوال فارس
فارس: الو
أبو جواد: السلام عليكم
فارس: وعليكم السلام
أبو جواد: كيف حالك ؟
فارس: بخير الحمد الله
أبو جواد: ممكن طلب يا ولي ؟
فارس: أنت تأمر مو تطلب
أبو جواد: تسلم أبغى أقولك شئ لمن تجي عندي أقولك ايش الموضوع
فارس: طيب بس إن شاء الله بس عندي ويدقو خالد ويأشر لو انو مايقولو
أبو جواد: ايش عندك؟
فارس: ها لا بس عندي مشوار أغلقوه بعدين أجيك
أبو جواد: على خير إن شاء الله
أبو جواد: مع السلامة
فارس: في أمان الله
فارس: ليش ما خليتني أقلوه
أبو خالد: عشان ما نبغى أحد يعرف عشان نسويها مفاجاءة حتى عندنا في البيت ما يدروا
وهم في سيارة فارس:
خالد: كيف حال العريس؟"يقصد سامر"
فارس: آه مجنينا
خالد: ههههه خير إن شاء الله
فارس: طول الوقت يا يتكلم معاها أو يكون عندهم في البيت
خالد: الله لايبلانا
أبو خالد: حيجي دوركم أنت كمان وراح نشوف أيش تسوا
فارس+خالد: أستغفر الله يحنا ناقصين طفش
أبو خالد: يعني ماتبغوتتزوجوا وتخلونا نفرح بيكم .
خالد: بلا زواج وبلا طفش زايد ناقصين هم
أبو خالد: الله يهديكم
وصلوا بيت أبو خالد
أبو خالد: تعبناك معانا
فارس: لا تعب و لا حاجة
خالد: فروس أبغاك تمر عليا في الليل أبغى أروح عند الشباب اسلم عليهم فارس: إن شاء الله بابا خالد(يقلد الهنود)
أبو خالد+ خالد:هههههههههههههه
خالد: مع السلامة
فارس: مع السلامة
في منزل أبو جواد:
أم جواد: يا مروج قومي شوفي أختك جود فينها وقولي لها
خليها تطلع نتيجة أختك نجود من النت
مروج: وليش ان شاء الله ما تخرجها بنفسها.
أم جواد : والله تقول انها تخاف وتخاف تنصدم .
مروج : والله كل سنة نفس الكلام وتسويها مناحة عشان النتيجة من يوم دخلت المدرسة .
يالله ما انزل اللا والاقيكم تتكلموا عن نجود ولا مرة تتكلموا عني
يلتفت كل من ام جواد ومروج الا مصدر الصوت وشافوا جواد وهوا جالس على الدربزان ويتزحلق عليه
أم جواد : انا كم مرة قلتلك اتكلم عن اختك باحترام وتأني شي كم مرة أقول وأعيد لاتزحلق على الدربزان بسرعة انزل ( بنبرة عصبية )
جواد : حاضر يا قلبي
وهو ابغى ينزل وهو ما انتبه انوا طرف الجلابية معلق قي يد الدربزان وينط ويطيح وياخد كم درجة وهو يتدحرج ككرة ويصل الى اخر الدرج
وفي نفس اللحظة تخرج جود من غرفتها عشان تبشرهم بنتيجة لاكن للاسف يا فرحة ما تمت ..................
ترى ما ذا يحدث لجواد؟
ما هي ردت فعل جود؟
ما هو الموضوع الذي كان ابو جواد يريد فارس من اجله؟
الجزء الثاني:
خرجت جود من غرفتها وهيا مرة فرحان عشان أختها وهيا نازلة وتزهم أمها وهيا نازلة من الدرج
جود : أمي أمي عندي لك مفاج ....وينقطع كلامها وتتحول نظرات الفرح والسرور الى حزن وصدمة من المنظر الذي امامها امها وهيا تحضن جواد المغطى بالدم ومروج تجلس بجانب امها وهيا تبكي وجود تقرب شوية شوية وهيا مو مصدقة اللي تشوفه ايش صار؟ أول كلمة قالتها جود بعد الصدمة واقتربت وجلسة هيا الأخرى إلى جانب أمها وخلاص ماهي قادرة تفكر بشئ ؟
( ايش يكون شعورك وانت ترين امامك اعز شخص على قلبك وهو في دنيا غير الدنيا وربما في أي لحظة قد تفقديه ) هذا هو ما كان يدور في رأس جود
وعند مدخل المنزل تقابل كلا من ابو جواد و فارس
فارس : السلام عليكم ( ويسلم على يد ورأس عمو أبو جواد )
أبو جواد : وعليكم السلام حياك الله يا ولدي .
اتفضل تعال
فارس كان مرة متوتر وقلبه يرقص من الفرح لانه راح يشوف فتاة احلامه ..........
واول ما دخلوا
أبو جواد : يا اهل البيت فينكم .
وأول ما سمعت مروج صوت أبوها جريت عليه وهيا تبكي وتحضنوه
أبو جواد باستغراب : خير ايش في ؟
مروج : جواد و زاد بكاها
أبو جواد : ايش فيه جواد وبعد مروج وراح على طول من المكان اللي جات منه مروج .
راح وشاف الموقف وعلى طول شال جواد من حضن امه وقال راح اوديه المستشفى .
ام جواد : انا جيه معاك
ابو جواد جيبي عبايتك والحقيني وراح على طول
أم جواد : جود روحي جيبي عبايتي
راحت جود لبسة عبايتها وجابة عباية امها
أم جواد : جود خليكي مع اخواتك
جود : ابغى اجي معاكم
أم جواد : مروج خليكي مع نجود وانتبهوا للبيت
مروج : طيب اتصلوا وخبرونا
جود : وهيا تمسك يد امها
لمن خرجت جود وامها وهما رايحين على السيارة شافوا ابوهم جالس في سيارة فارس
ودخلوا السيارة وجلست جود خلف فارس وهيا تحضن جواد
اه ياقلبي والله انوا كل دمعة من عينك تخرق قلبي من الم الله يصبرك والحمد الله اني قريب منك (هذا ما كان يقوله فارس في نفسه وطول طريقه الى المستشفى وهو ينظر لها من المنظرة الامامية )
وبركة ما سوا حادث
ودخلوا الطوارئ وكان فارس هو من يحمل جواد ويلحق به أبو جواد وأم جواد وجود .
في منزل أبو خالد:
أم خالد: طيب ليش ما قلتلنا على الاقل سوينالك عزيمة
خالد: كنت ابغى اسويها سبرايز وكنت ابغى اشوفكم على طبيعتكم
هاجر: سبرايز زي وجهك ( تقولها بلا مبالاة)
خالد: اكيد حلوة يعني
هاجر: أقول من ضحك عليك
خالد: البنات
أم جواد: بنات مين؟
خالد:اااا قصدي سارة ( بارتباك)
سارة :انا متى .............. وقبل ماتكمل غمزلها خالد
لمن كنت صغير يا خلووودي
خالد : أقول ترى أنا مو قدك
سارة : ترى انا حرة ولا راح أقول سرك
خالد: ما كان من كلمة
سارة : هههههههه
خالد : الله يعين سامر عليك
سارة : الله يعيني عليه
خالد : دحين اقولوا
سارة انت ما تصدق تسمع ايش الا وبدق تقولوا
خالد : زيك
ويقطع مضاربتهم صوت جوال سارة ( ومكتوب على الشاشة المتصل حبيب القلب)
هاجر: اكيد حبيب القلب
سار وجه سارة احمر
خالد : الطيب عند ذكروا
هاجر: ارفعي لايموت عليك
سارة : يدمك ( وهيا خارجة من الغرفة )
خالد + هاجر: هههه
خالد : الحمد الله الذي عافانا ( على خجل اخته )
أم خالد : عقبالك
خالد : امين
في المستشفى
كانوا جالسين قدام الغرفة
أبو جواد :انا ابغى اروح المصلى اصلي وانت يا فارس خليك هنا عشان لمن يخرج الدكتور يطمنك على جواد
فارس: ان شاء الله
وراح ابو جواد وكانت جود جالسة جنب امها وهيا تهديها مع انوا هيا تحتاج احد يهديها وهيا ماسكة نفسها عشان لا تنهار
وكان فارس واقف جنب الباب وهو يطالع جود
ويرن جوال فارس
فارس : الو
مازن : سلام يا حلو
فارس: وعليكم السلام ( ويبان الضيق في صوته )
مازن : انت فين ؟
فارس : في المستشفى
مازن : بنبرة خوف ليش؟
فارس : ولد خالتك في المستشفى
مازن : مين تقصد لا تقول
فارس: يقاطعه ايوه حبيب قلبك
مازن: جواد ايش فيه ؟
فارس : والله ماادري جيت معاهم المستشفى وانا ما ادري ايش صار
مازن : ايت مستشفى ؟
فارس : مستشفى ( *****)
مازن : انا جنب المستشفى خلاص خمس دقايق وانا عندك مع السلامة
فارس: مع السلامة
وعند خروج الدكتور وصل مازن في نفس الوقت
فارس خير دكتور
الدكتور : ان شاء الله بس بحتاج لدم عشان هو فقد كمية من الدم وفصيلتوا مو موجودة في المستشفى
مازن :ايش فصيلة دموا
الدكتور : A-
مازن : انا ابغى اتبرع
الدكتور : تعال معايا
كل هذا يصير وجود جالسة تراقبهم
وبعد ما بعد مازن والدكتور راحت جود عند فارس
جود : فارس
فارس: هلا
جود : أيش قال الدكتور ؟ وفين راح مازن ؟
فارس : كل هادي اسأله
أولا: الحمد الله جواد بخير بس يحتاج لدم
وثانيا : مازن راح عشان يتبرع
جود: يعني جواد طيب وما فيه حاجة
فارس : الحمد الله
جود كانت الدموع في عينها ( الحمد الله )
فارس يطالع جود وحس بإحساس غريب
جود : تبعد عنه وتروح عند أمها وتحضنها وهيا تبكي وفي هدي اللحظة وصل ابو جواد وشاف بنت وهيا تبكي وخاف وراح على طول وسأل فارس
أبو جواد : خير يا فارس ؟ ايش فيه جواد؟
فارس : ما فيه شي والدكتور طمنا
أبو جواد: طيب جود ليش تبكي
فارس: قلتلها انوا يحتاج لدم ومازن راح يتبرع
أبو جواد : مازن ! ايش جاب مازن؟
فارس : اتصل عليا وانا قلتلوا وعلى طول جا
أبو جواد: جزاء الله خير انوا يساعد اخوه
وراح ابو جواد عن جود وحضنها وهو يمس على راسها وراح فارس يجيب شي يا كلوه عشان من الصبح ما اكلوا شي ودحين الساعة 2 الظهر
في منزل أبو سامر:وهيا تتجه الى المطبخ يرن التلفون وتروح وترفع السماعة
أم سامر: الو
سامر: السلام عليكم يا حلوة
ام سامر : وعليكم السلام
سامر : كيف حالك ؟
أم سامر: طيبة الحمده لله
سامر: عندك فارس؟
أم سامر: لا خرج من الصباح ولين دحين ما جا وما جا يتغدى
سامر : غريبة فارس ما يرجع البيت
أم سامر : ليش ما جا الشركة؟
سامر: لا ما جا
ام سامر : طيب ليش ما تتصل على جواله
سامر: انا قلت امكن في البيت وما اتصلت على الجوال طيب مع السلامة
أم سامر: مع السلامة

[الحب الصافي]

منزل أبو خالد:
يالله متى يجي المغرب عشان اروح عن مازن واشوفها والله من جد لها وحشة ما اتوقعت اني في يوم من الايام اني افكر فيها والله من جد الحب عذاب وجنان ( خالد وهو في غرفته عشان يرتاح يا حسرة على الراحة اللي وراها تفكير)
في بيت ابو مازن
الساعة 3 العصر
شهد : ماما ماااااااما
أم مازن : نعم ليش تصرخي ( كانت جالسة في الصالة مع شوق)
شهد : ليش ما صحتوني دحين ساعة 3وانا ساعة 4 ابغى اروح عند جود
شوق : وليش ما قلتيلنا عشان نصحيكي
شهد: والله أنا قلت لمازن
ام مازن : بس مازن ما جاء
شهد : ليش ؟
ام مازن: امكن عندو شغل
شهد : طيب دحين انا اتصل عليه وساله !!!
في المستشفى
فارس : الوو
سامر: فينك وانا ليى ساعتين وانا استناك ( وهو معصب)
فارس : عصابك دحين انا عندي شغل مرة مو فاضي
سامر: ايت شغل وانت ما جيت الشركة
فارس : انا دحين في المستشفى
سامر: مستشفى !!!!! خير ايش فيك
فارس : ما فيني شي بس جواد ولد عمي في المستشفى
سامر خير ايش فيه ؟
ويقول فارس كل شيء لسامر
وفي مكان ثاني في المستشفى
جود تطالع على باب غرفة جواد وتستنى مازن يخرج
وبعد 10 دقائق طلع الدكتور ومعاه مازن وهو مبتسم ويتكلم مع الدكتور
ابو جواد : كيفك يا مازن؟
مازن : الحمد الله
الدكتور : دحين لازم تاكل وتعوض عن الدم اللي راح منك
مازن : ما راح لغريب
ابو جواد: شكرا يا ولدي
وراح الدكتور وقربت على ابوه ومازن وصارت بوسطهم
جود : كيفك يا مازنظ
مازن : الحمد الله
جود : وكيفوا جواد؟
مازن : طيب الحمد الله بس دحين نايم
جود: اقدر اشوفه
مازن : اكيد
جود وهيا تطالع على مازن بنظرات تذوب الحجر اللي خلت مازن يرتبك وقالت كلمة هزت كيان مازن وصدمة أبو جواد
جود: شكرا يا اغلى واحن اخو في العالم
قالتها وراحت لغرفة جواد وما شافت اللي سوتوا في اللي جنبها
ايش قصد جود باللي قالته ؟
وايش راح يكون ردة فعل كلا من :
مازن ، وفارس[/size]

[امير العشق]

مشكوره اختى على الفكره
وانصحك فى القصص القصيره
وتقبلى النصيحه من اخ
ويا ريت تقبلى مرورى
امير

[●₪ ząỉἠ ậẛξ₥я ₪●]

مرحــب السـآع . .

.. . .•°•. ·0


سلآمي لبنت الآجـآويد سلام معطر بورد وفلـه ..
سلام عدد ماغرد الطير تغريد
واعداد ماطاف بالبيت الحاج وصلى ..
مايهزني قول اطفال مواليد ..
اللي مايميز بين النجوم والآهلـه ..
ولاقرا التآريخ وحط القلم بالايد ..

.. . .•°•. ·0


(?????) قصْهـ مميــْزهُ

تقبــُلىْ مروُرى (?????)

~{ زيــن آلعـمـرّ }~

[اليزابيث~]

الحـــ الصافي ـــــب

.

قصه مميزه جدا

تنمنى لكيــ التقدمــ و الابداعـــ المتواصل

دمت بود

ولا تحرمينا من جديدكـــ........ّّّّّّّ