ديوانيه شاعر المليون

[شاعر المليون]

طارق اليحيا


الوسيعه سجن ! والغربله حيّ شوف !
................. وانتي ثَورَة حزن وآنا معك مبتلي !


والقضيّه غدت آحب و آموت خوف ..
................. تعتقين الجفا ، ثم ايتهجّم عليّ ...!!


وانتي أدرى جفاك أو طعنة أعتى السيوف
................. أبشع أمرين ممكن تودي لـ مقتلي !


يـ الظروف ارحمي ,لا تسخط إمن الظروف !
................. انت عااقل !! " .. ولكن ماني بالأولي !!


من سمع حشرجة صوتي ورجف الكفوف
................. والله ان لا يبيع الكون لأجل ازعلي


صرت أتمتم بـ صدتها وأخَنْق الحروف
................. وكل ما مر طاري صدمه آقول ( ليّ ) !


وآتذكّر عَهَـد حـبٍ مَلَـتْـه الحلوف
................. وآتذكّر بَعَد ، ليمن فؤادي ايغلي !!


وآتوسّد قهر وأفرش لي أرضي حسوف
................. وأدعي الله ( متى هالمسألة تنجلي ! )


قادر أبعد وأحَرْقَ الجوف ! لابوه جوف !!
................. مير الأدهى إذا طيبة خفوقك ولي .


تعتلي المرتبة الأولى بـ عينَ الألوف
................. لكن بـ عين ظالم ، قلّي وش تعتلي ؟!


ارحميني ، دخيل الدمعتين الضعوف
................. جمّليني فـ وجه فطرة رَجُل ، جمّلي !


من رحلتي لبست جروحك ثياب صوف
................. لأجل أدفّي الشعور بـ غيبتك داخلي


كنت أساير ثقل نفسي ولكن يـ نوف
................. بعترف لك وأقول بـ فمّي الممتلي


لو تقولي الوداع وربي آموووت خوووف
................. كنّي اللي في غمضة عين راحوا هلي !


لا قراحٍ يقدّر نشفة الريق .. اووووف ...
................. يعني آشق صدر الحب وارجع خلي !!


كنت أشوف المحبّه ، بس ما كنت أشوف
................. ضيقةٍ في خفوق العاشق المبتلي


والله انّي من أول ما خُلقت امعروف
................. رافض الحب ، لكن ، قدّر الله علي !!

[شاعر المليون]

ومن أجمل قصائد الشاعر المعروف بدر الظاهري

الذي شارك في برنامج شاعر المليون ولم تعرض قصيدته :



بغيت أطير من الفرح والوناسه
لا وش بغيت أطير الا قسم طرت

ولا دريت إلا وأنا ابوس راسه
قبل اسأله وأقول وش بك تأخرت ؟

ماهو أنا قلبي من الشوق باسه
وألا انا لو هي عليّـه تكبرت

يكفيني انه جاء وهذا إحساسه
يحس فيـّه .. لا قلقت وتوترت

لا يابعد هالعالم وبعض ناسه
عز الله اني يومي اخترته اخترت

جمعت له مابين لوله وماسه
أحلى صور للشعر : يعني تصورت

إن الفضاء هذا بكبره مقاسه
رغم التفجر توني ماتفجرت

أمووووت من مبلوله إليا يباسه
وامووت به وأحيا ليا من تذكرت

إنه من أيام الصبا والدراسه
وهو يداري خاطري لا تكدرت

واليوم جاء من دون حشد وحراسه
مخطي عليه .. وتوّني ماتعذرت

شفته وطرت من الفرح والوناسه
وشلون طرت .. الله وأعلم ( كذا طرت ) .

[شاعر المليون]

بــــــــــــــــــــــــــــــــــــــدر الخالــــــــــــــــــدي وقصيدته في الذيب

البارحه والجوع مس الذيب يـوم انـه يعـوي
علـى سنـام طويـق والقمـره وراه بليتـهـا
اخايلـه واقـول واعـزي لحـالـك يالـقـوي
اللي تنقى في سمـان الفطـح لا مـن جيتهـا
واللي باساميك يتقلدهـا الخـوي مـع الخـوي
والعـرب تبديـك التحايـا وانـت مـا حييتهـا
واسمك على النخوه يعد وكل روس(ن) تشتـوي
والوجبـه الحيـه تعشاهـا وتـتـرك ميتـهـا
الجوع لو يدفعـك للمـوت الذحـاح المستـوي
حشمت نفسك عـن عظـام الحرجـه وخليتهـا
ودامك طليق(ن) ما قهرك المعتـدي والمهتـوي
وخطاك من دون المغـازي مـا بعـد سجيتهـا
يا ذيب يا ذيب الخلا اللي ليلك يـروح سـروي
مـا بيـن مرحـان الشواويـه ليـا عشيتهـا
يا موجل(ن) قلب حضري يا موجل(ن) قلب بدوي
ياللـي تشيّـم خـوة الرجليـه ان خاويتـهـا
عامل خوي الذيب في عصر الفـوات المنطـوي
وقصتك فـآذان العـرب واليـا طـرت لبيتهـا
نحر ذلول(ن) من وصايفهـا شحمهـا مرتـوي
لعيـون خوتـك الفريـده والبقـا فـي صيتهـا
يـا ذيـب يكوينـي قنيبـك لا توحّيتـه كـوي
على غشـاش الكبـد والخطـوه عمـد رديتهـا
مدري غبى مدري ذكى مدري تسرع فوضـوي
لكن خطواتي علـى الهيبـه مـا قـد ضريتهـا
ياذيب عزك في زمان السيف مـن قبـل يهـوي
وقبـل زمـان العولمـه للنـاس وآتيكيتـهـا
وقبل يغيب المنطق الحسـي ويبقـى المعنـوي
والغيـره تـوزع تجمّعهـا عـلـى تشتيتـهـا
وقبـل النوايـا المستقيمـه ماتعـاج وتلتـوي
والناس تمشي فـي تعاملهـا حسـب توقيتهـا
يا ذيب مدري كيف ابوصف حالتـك يالمنـزوي
والهاشميـه فـي طـرف عينـي ولا دنيتـهـا
لا جيث ابرثي حالتـك ضـاع الكـلام اللغـوي
والمفـردات اللـي تجملنـي لـيـا عديتـهـا
والهاجس اللي كل مـا فليـت حويـه ينحـوي
وافكـاري اللـي تتعـب الخافـق ليـا هليتهـا
واخـاف لا تكمـل وينحـاك النزيـف الدمـوي
وابقى علـى قـول المثـل خميتهـا واخطيتهـا
ياذيب واقنب خل صوتـك يـدوي العالـم دوي
مـادام خانتـك الظـروف الله يخـرب بيتـهـا

[شاعر المليون]

و .. شيلة يا وجد عيني :



يا وجد عيني علي اللي غاب عن عيني ،
اللي خذا كل حاجه ما تـرك حاجـه !
ضيعت في عيونه النجـلا عناوينـي ..
يوم التفت لي وهو في قمـة احراجـه !
لا شك ماني بمـن يرجـي المقفينـي ،
أنا أعرف الوقت مدخاله و مخراجـه !
و راي أولع ضلوعي شـوق بيمينـي ،
لصار ليل الحبايـب طافـن سراجـه !
حاجـه غريبـه يحبـون المحبينـي ..
ناسٍ خذت كل حاجه ما عطت حاجه !


[عزيزي الزائر يتوجب عليك التسجيل للمشاهدة الرابطللتسجيل اضغط هنا ]

[شاعر المليون]

محمد بن فطيس ..،



مانيب من ياتي ولا يدرابه ..،
شطر حفظته ماعرف كتابه !
شطر يناسبني لمثل الليله ..
وأشوفني في ذالمكان أولى به !